ਪ੍ਰਸ਼ਨ ਸੂਚੀ – ਸ਼ੇਖ਼ ਫ਼ਰੀਦ
ਪ੍ਰਸ਼ਨ 1 ਬਿਰਧ ਅਵਸਥਾ ਦਾ ਜ਼ਿਕਰ ਸ਼ੇਖ਼ ਫ਼ਰੀਦ ਜੀ ਦੀ ਬਾਣੀ ਵਿੱਚ ਵਾਰ-ਵਾਰ ਹੋਇਆ ਹੈ । ਇਹ ਜ਼ਿਕਰ ਕਰਦੇ ਹੋਏ ਫ਼ਰੀਦ ਜੀ ਮਨੁੱਖ ਨੂੰ ਕੀ ਸੰਦੇਸ਼ ਦੇਣਾ ਚਾਹੁੰਦੇ ਹਨ ?
ਪ੍ਰਸ਼ਨ 2 ਸ੍ਵੈ-ਪੜਚੋਲ ਸ਼ੇਖ਼ ਫ਼ਰੀਦ ਜੀ ਦੀ ਬਾਣੀ ਦਾ ਮੁੱਖ ਅੰਸ਼ ਬਣ ਕੇ ਉੱਭਰੀ ਹੈ । ਸਪੱਸ਼ਟ ਕਰੋ ।
ਪ੍ਰਸ਼ਨ 3 ਫ਼ਰੀਦ ਜੀ ਦੀ ਨੈਤਿਕ ਸਿੱਖਿਆ ਵਿੱਚ ਸ੍ਵੈ-ਕਾਬੂ ਕੇਂਦਰੀ ਨਿਯਮ ਵਜੋਂ ਵਿਦਮਾਨ ਰਿਹਾ ਹੈ । ਵਿਆਖਿਆ ਕਰੋ ।
ਪ੍ਰਸ਼ਨ 4 ਫ਼ਰੀਦ ਜੀ ਦੀ ਬਾਣੀ ਅਧਿਆਤਮਕ ਪ੍ਰਾਪਤੀ ਦੀ ਪ੍ਰੇਰਨਾ ਦਿੰਦੀ ਹੋਈ ਮਨੁੱਖ ਨੂੰ ਸਦਾਚਾਰਕ ਬਲ ਦਿੰਦੀ ਜਾਪਦੀ ਹੈ । ਫ਼ਰੀਦ ਬਾਣੀ ਵਿੱਚੋ ਉਦਾਹਰਣਾਂ ਦਿੰਦੇ ਹੋਏ ਸਪੱਸ਼ਟ ਕਰੋ ।
ਪ੍ਰਸ਼ਨ 5 ਸ਼ੇਖ਼ ਫ਼ਰੀਦ ਆਪਣੀ ਬਾਣੀ ਰਾਹੀਂ ਨਿਰੋਲ ਨੈਤਿਕ ਚਿੰਤਕ ਦੇ ਰੂਪ ਵਿੱਚ ਪੇਸ਼ ਹੁੰਦੇ ਹਨ । ਚਰਚਾ ਕਰੋ ।
ਪ੍ਰਸ਼ਨ 6 ਫ਼ਰੀਦ ਬਾਣੀ ਉੱਪਰਲੀ ਸਤਹਾ ਤੋਂ ਖ਼ੁਦਾ ਦੀ ਬੰਦਗੀ ਵੱਲ ਤੋਰਦੀ ਜਾਪਦੀ ਹੈ ਪਰ ਆਪਣੀਆਂ ਡੂੰਘਾਈਆਂ ਵਿੱਚੋਂ ਉਹ ਸਮਾਜ ਨਾਲ ਵੀ ਡੂੰਘਾ ਸਰੋਕਾਰ ਸਥਾਪਿਤ ਕਰਦੀ ਹੈ । ਸਪੱਸ਼ਟ ਕਰੋ ।
ਪ੍ਰਸ਼ਨ 7 ਫ਼ਰੀਦ ਬਾਣੀ ਸੰਸਾਰੀ ਮਨੁੱਖ ਨੂੰ ਘੇਰ ਕੇ ਖੜੇ ਹੋਏ ਦੁੱਖਾਂ ਨੂੰ ਪਹਿਚਾਣਦੀ ਹੈ, ਉਹਨਾਂ ਦੁੱਖਾਂ ਪਿਛਲੇ ਕਾਰਨਾਂ ਨੂੰ ਬਿਆਨ ਕਰਦੀ ਹੈ ਅਤੇ ਉਹਨਾਂ ਦੁੱਖਾਂ ਤੋਂ ਮੁਕਤੀ ਵੀ ਦਿਵਾਉਂਦੀ ਹੈ । ਦਲੀਲ ਸਹਿਤ ਵਿਸਥਾਰ ਪੇਸ਼ ਕਰੋ ।
ਪ੍ਰਸ਼ਨ 8 ਤੁਲਨਾਤਮਕ ਅਧਿਐਨ ਸ਼ੇਖ਼ ਫ਼ਰੀਦ ਜੀ ਦੀ ਬਾਣੀ ਦੀ ਮੁੱਖ ਤਕਨੀਕ ਵਜੋਂ ਵਿਦਮਾਨ ਰਿਹਾ ਹੈ । ਚਰਚਾ ਕਰੋ ।
ਪ੍ਰਸ਼ਨ 9 ਸ਼ੇਖ਼ ਫ਼ਰੀਦ ਦੀ ਬਾਣੀ ਵਿਰੋਧੀ ਜੁੱਟਾਂ ਦੇ ਰਾਹੀਂ ਮਨੁੱਖ ਨੂੰ ਮਾੜੇ-ਚੰਗੇ ਦੀ ਪਹਿਚਾਣ ਕਰਵਾਉਂਦੀ ਹੋਈ ਸਿੱਖਿਆ ਦਿੰਦੀ ਹੈ । ਸਪੱਸ਼ਟ ਕਰੋ ।
ਪ੍ਰਸ਼ਨ 10 ਉੱਪਰਲੀ ਸਤਹਾ ਤੋਂ ਵੇਖਿਆਂ ਫ਼ਰੀਦ ਬਾਣੀ ਵਿਚਲੇ ਵਿਚਾਰ ਪਰਸਪਰ ਵਿਰੋਧੀ ਨਜ਼ਰ ਆਉਂਦੇ ਹਨ । ਫ਼ਰੀਦ ਕਾਵਿ ਦਾ ਬਿੰਬ ਵਿਧਾਨ ਨੂੰ ਗਹਿਰਾਈ ਨਾਲ ਵਾਚਦਿਆਂ ਫ਼ਰੀਦ ਸ਼ਲੋਕਾਂ ਵਿਚਲੀ ਵਿਰੋਧਤਾ ਅਲੋਪ ਹੋ ਜਾਂਦੀ ਹੈ । ਚਰਚਾ ਕਰੋ ।
ਪ੍ਰਸ਼ਨ 11 ਭਾਰਤੀ ਦਰਸ਼ਨਿਕ ਪਰੰਪਰਾ ਜਾਂ ਭਾਰਤੀ ਦਰਸ਼ਨ ਦੇ ਕਰਮ ਅਤੇ ਧਰਮ ਦੇ ਸਕੰਲਪ ਫ਼ਰੀਦ ਬਾਣੀ ਵਿਚਲੇ ਨੈਤਿਕ ਵਿਚਾਰਾਂ ਦੇ ਨਾਲ-ਨਾਲ ਵਿਦਮਾਨ ਰਹਿੰਦੇ ਹਨ । ਫ਼ਰੀਦ ਜੀ ਦੇ ਸਲੋਕਾਂ ਵਿੱਚੋਂ ਤੁਕਾਂ ਦਿੰਦੇ ਹੋਏ ਸਪੱਸ਼ਟ ਕਰੋ ।
ਪ੍ਰਸ਼ਨ 12 ਫ਼ਰੀਦ ਜੀ ਦੀ ਅਧਿਆਤਮਿਕ ਭਾਵਨਾ ਸ਼ਰਧਾਲੂ ਤੇ ਭਗਤਾਂ ਦੀ ਭਾਵਨਾ ਹੈ ਨਾ ਕਿ ਦਾਰਸ਼ਨਿਕ ਜਾਂ ਗਿਆਨੀ ਦੀ ਵਿਵੇਕਸ਼ੀਲ ਬਿਰਤੀ, ਨਾ ਹੀ ਉਹ ਸਨਿਆਸ ਤੇ ਉਪਰਾਮਤਾ ਦਾ ਸਬਕ ਦਿੰਦੀ ਹੈ । ਸਪੱਸ਼ਟ ਕਰੋ ।
ਪ੍ਰਸ਼ਨ 13 ਫ਼ਰੀਦ ਬਾਣੀ ਦੀ ਅਜੋਕੇ ਯੁੱਗ ਵਿੱਚ ਕੀ ਪ੍ਰਸੰਗਿਕਤਾ ਹੈ ?
ਪ੍ਰਸ਼ਨ 14 ਫ਼ਰੀਦ ਬਾਣੀ ਰਾਹੀਂ ਪੰਜਾਬੀ ਕਵਿਤਾ ਆਪਣੇ ਮੁੱਢਲੇ ਦੌਰ ਵਿੱਚ ਹੀ ਸਾਹਿਤ ਦੇ ਉੱਚਤਮ ਪੱਧਰ ̓ਤੇ ਪਹੁੰਚ ਗਈ । ਕਾਰਨ ਦੱਸੋ ।
ਪ੍ਰਸ਼ਨ 15 ਸ਼ੇਖ਼ ਫ਼ਰੀਦ ਦੀ ਕਾਵਿ ਸ਼ੈਲੀ ਬਿੰਬਮਈ ਹੈ । ਫ਼ਰੀਦ ਬਾਣੀ ਵਿੱਚੋਂ ਸ਼ਲੋਕ ਦਿੰਦੇ ਹੋਏ ਉੱਤਰ ਦਿਓ ।